വേരുകൾ മണ്ണിനടിയിൽ
കെട്ടുപിണഞ്ഞു കിടക്കുകയായിരുന്നു
ചീകിയൊതുക്കാത്ത
മുടിയിഴകൾ പോലെ .
മുകളിലൊരു കാടുവളർന്നതും
അതിൽ പൂവിരിഞ്ഞതും
കായ് നിറഞ്ഞതുമൊന്നും
അവരറിഞ്ഞിരുന്നില്ല .
കിളികൾ വരുമെന്നും
കുയിൽ പാടുമെന്നും
അവരറിഞ്ഞിരുന്നില്ല .
എന്തിന്
ഇത്ര നാളായിട്ടും
പൊക്കിൾക്കൊടിപോലും
അറുത്തുമാറ്റിയിട്ടില്ല .
ജീവനരിച്ചു കയറുന്നത്
അതിലൂടെയാണല്ലോ.
അതെ
ഈ വേരുകളെന്നും
അമ്മയെപ്പോലെയാണ്
ഒന്നുമറിയേണ്ട
ഒരുപരാതിയുമില്ല
എന്നാലോ
എല്ലാം തന്നോളും
മണ്ണിനടിയിലെ ഈ താരാട്ട് .
കെട്ടുപിണഞ്ഞു കിടക്കുകയായിരുന്നു
ചീകിയൊതുക്കാത്ത
മുടിയിഴകൾ പോലെ .
മുകളിലൊരു കാടുവളർന്നതും
അതിൽ പൂവിരിഞ്ഞതും
കായ് നിറഞ്ഞതുമൊന്നും
അവരറിഞ്ഞിരുന്നില്ല .
കിളികൾ വരുമെന്നും
കുയിൽ പാടുമെന്നും
അവരറിഞ്ഞിരുന്നില്ല .
എന്തിന്
ഇത്ര നാളായിട്ടും
പൊക്കിൾക്കൊടിപോലും
അറുത്തുമാറ്റിയിട്ടില്ല .
ജീവനരിച്ചു കയറുന്നത്
അതിലൂടെയാണല്ലോ.
അതെ
ഈ വേരുകളെന്നും
അമ്മയെപ്പോലെയാണ്
ഒന്നുമറിയേണ്ട
ഒരുപരാതിയുമില്ല
എന്നാലോ
എല്ലാം തന്നോളും
മണ്ണിനടിയിലെ ഈ താരാട്ട് .
No comments:
Post a Comment