SUNSET

At sunset, Nature is painting for us.. day after day..... pictures of infinite beauty       
-JOHN RUSKIN

some of my crazy creative clicks....

മഴ

എൻറെ ജനാലചില്ലുകളെ
നനച്ച് കടന്നുപോയ

ഒരു മഴ

നിന്റെ  മുടിയിഴകളിലെ
നീർത്തുള്ളികൾ പോലെ
മനസ്സിലങ്ങനെ പറ്റിപ്പിടിച്ചു
കിടക്കുകയാണ് .
ഓർമപ്പൂക്കൾ കൊഴിച്ച്
ഹൃദയത്തിലെ ഇടവഴികളെ
ഇക്കിളിപ്പെടുത്തുന്ന
ഒഴിഞ്ഞ കൊമ്പുകൾ .
എന്നെ ഞാനങ്ങനെ
വിളിക്കട്ടെ .
ചുറ്റിലും വീശുന്ന കാറ്റിന്
നിന്റെ വിരൽത്തുമ്പിൽ
തൊടുമ്പോഴുണ്ടാകുന്ന
 അതേ തണുപ്പ് .
ഓരോ തണലും
നിന്റെ നിഴൽ നെയ്ത
നേർത്ത വിരികൾ പോലെ .
ക്യാമ്പസ് വഴികളിലെ
മഞ്ഞ കോസ്മോസ് പൂക്കൾ
നിന്റെ  പുഞ്ചിരി കവർന്നെടുത്ത പോലെ
എന്നെ നോക്കി ചിരിക്കുന്നു .
ഗുൽമോഹർ മരങ്ങൾ
ഇന്നും പൂക്കൾ കൊഴിക്കുന്നുണ്ട്
എന്നെയും കാത്തിരുന്ന് നിറയുന്ന
നിന്റെ കണ്ണുകൾ
തുടക്കാനെന്ന പോലെ .
അന്ന് നിന്റെ കണ്ണുകളിലെ
ആഴം കാണുമ്പോൾ
പലപ്പോഴും പറയാൻ
കൊതിച്ചതാണ്
നിനക്കായ്‌ ഞാനൊരു
വസന്തകാലം
ഒളിച്ചു വച്ചിട്ടുണ്ടെന്ന് .
പക്ഷേ
നീയെന്തേ
ഒന്നും കേൾക്കാൻ നിൽക്കാതെ
ഒന്നും കാണാൻ നിൽക്കാതെ
അകലെ
നക്ഷത്രങ്ങൾക്കിടയിൽ
പോയൊളിച്ചത്‌.
ഒഴിഞ്ഞ മരുന്നുകൂടുകളും
മരണം മണക്കുന്ന
നീണ്ട ആശുപത്രി വരാന്തയും വരെ
എനിക്ക് നിന്നോടുള്ള പ്രണയം
അറിഞ്ഞിരുന്നു .
പക്ഷേ
ക്യാൻസർ കാർന്നുതിന്ന
നിന്റെ മെലിഞ്ഞ ഹൃദയമിടിപ്പുകൾ
മാത്രം ഒന്നും കേൾക്കാൻ
കൂട്ടാക്കിയില്ല .
ഇന്നീ കാക്കത്തൊള്ളായിരം
നക്ഷത്രങ്ങളെ സാക്ഷിയാക്കി
ഞാൻ പറയട്ടെ
ഇന്നും നിന്നെ ഞാൻ പ്രണയിക്കുന്നു .
എന്റെ ജീവനെക്കാളേറെ .
അതുകൊണ്ടാണല്ലോ
ഒഴിയാത്ത ഓരോ
ആശുപത്രിക്കിടക്കയിലും
നിന്റെ  ഇണക്കങ്ങളും പിണക്കങ്ങളും
പരിഭവങ്ങളും
കുഞ്ഞികുസൃതികളും
നിറഞ്ഞു നില്ക്കുന്നത് .
വേദന മാറിയ ഓരോ
പുഞ്ചിരിയിലും
നിന്റെ മുഖം ഞാൻ കാണുന്നത് .
എന്റെ കണ്ണുകൾ നിറഞ്ഞിരിക്കുന്നു .
നീയും കരയുകയാണോ 
മഴ ................
നീയെനിക്ക്
പ്രിയപ്പെട്ടതാകുന്നു .
എന്റെ കണ്ണുകൾ തുടച്ച്
പ്രണയം പെയ്യിച്ചതിന് .

ALL WE NEED IS FREEDOM

 In riding a horse, we borrow freedom.

CHILDHOOD

There is a place in every childhood, an enchanted place where colors are brighter, the air softer, and the morning more fragrant than ever again.
-Elizabeth Lawrence